SilyGwala 隨~心~寫~

2009願望

silygwala — Mon, 05 Jan 2009 17:30:04 +0800

新一年又開始了，祝眾blog友新年進步，身體健康!

對我來說，身體健康更是我今年首要的願望，有感2008年下半年開始個人的精神面貌並不理想，而且身體開始多毛病...可能年紀大了，再加上這幾年來工作過度操勞，缺乏休息，身體機能衰退得很快。所以今年除了要努力工作外，還要多休息，戒「夜瞓」! 一定要晚上十二點前上床休息!

2009年將會是我工作生涯中第三個要過的難關年，希望今年都能過得踏實、精彩和健康!

心裡盤算著好幾個計劃...

又接tag啦! lol

silygwala — Thu, 11 Dec 2008 12:52:21 +0800

嘩~今次第二次俾人踢，貓比斯真客氣呢!

嚟啦!

遊戲如下:

請回答以下關於錢的問, 完成後邀請三至五位 blog 友仔參加, 順道去blog 友仔留言, 告訴 blog 友仔自己已被點名了～

(閱讀全文)

有病乎!?

silygwala — Thu, 04 Dec 2008 13:31:54 +0800

近這一個月有點情緒困擾, 自覺有太多負能量, 未能開懷, 怎辦?

接大信封...

silygwala — Sat, 08 Nov 2008 17:08:47 +0800

如果有一天收到大信封，你會怎樣?

看新聞報告知道有銀行大規模裁員，心裏很不舒服，可能大家是同行吧! 近年尾才掉飯碗，確令人擔憂! 我思考了好一陣子，假想如果接大信封的是我，我會怎樣呢? 原來我是沒有答案的。應該這樣說:「哪我又可以點?」就是了，我可以怎樣! 唯有積極再找新工，因為人總要生活，但惶恐是少不免的了! 特別是今年通脹問題嚴重，租金高昂，營商環境惡劣，經濟前景不明朗，像我這些人工微薄的上班族每日都提心吊膽，日子確實難捱! 現在可以做的只有盡量節流，減少無謂開支，希望能順利渡過這場嚴冬。但最重要是我能保着我的飯碗...

泰昌蛋tart

silygwala — Sun, 02 Nov 2008 16:52:28 +0800

同媽媽行街街聞到香噴噴嘅烘餅味, 望吓原來有間泰昌餅店喺附近~

(閱讀全文)

瘟神時時有，呢個特別癲! (上)

silygwala — Wed, 15 Oct 2008 13:23:51 +0800

發夢都估唔到今朝返工遇著一個無理取閙嘅癲婆兼瘟神! 你估有咩事發生?

(閱讀全文)

瘟神時時有，呢個特別癲! (下)

silygwala — Wed, 15 Oct 2008 13:23:18 +0800

但可惜影得唔好，連五官都睇唔清，我唯有放過佢啦! 準備轉身走嘅時侯俾佢發覺咗我影佢相，佢就一手拉住我唔放，扮哂受害者同用懶係斯文嘅口吻問:「妳做咩影我相呀?」我冇理佢，fing 開佢隻手之後繼續行。點知佢就開始發癲...

(閱讀全文)

又要勒緊褲頭帶過日子><

silygwala — Sun, 05 Oct 2008 19:12:54 +0800

"金融海嘯"帯來的衝擊確實非同小可, 發展到現在, 有誰能預計她的威力會有多大? 影響會有多深? 真的越想越心寒! 每日從電視新聞中得知的世界財經消息幕幕都觸目驚心, 心想沒事的地區竟也傳來壞消息. 這也難怪, 就連上百年歷史的金融機構都會倒閉, 那又有甚麼不可能! 我都是在金融機構上班的, 而我亦有不少朋友於金融界或保險界工作, 事實上近排亦少了他們的消息, 希望大家都能安然渡過. 我本身薪金不高, 學歷還可以, 且有一定年資, 估計應該安全吧...實在擔心...

接tag ><

silygwala — Sat, 27 Sep 2008 18:22:07 +0800

無喇喇接到我第一個tag, 都仲未知做乜, 不過都好驚喜呀! 好多謝blog友水十十月. 前排比較忙, 個人好懶, 依家就拿拿淋接"蕉". 由於我認識嘅blog友唔多, 所以都打算等有緣人入嚟自己答.

遊戲方式：

回答所有問題，並發一篇Blog在自己的網誌上！回答之前，請刪除一條你不喜歡的問題，另出一條問題代替；完成後，再點人繼續遊戲，並到這些人的Blog留言通知對方

(閱讀全文)

唉! 又漏水啦!

silygwala — Tue, 23 Sep 2008 22:26:43 +0800

今日又有一個颱風"黑格比"嚟探訪, 又掛八號波, 又多half day嘅假. 不過今日公司有好多嘢做, 所以我都成七點幾先至走. 落到公司樓下已經覺得有啲大風, 番到屋企樓下嘅轉角位仲大風, 瘦小嘅我差啲俾風吹咗去. 番到入屋當然happy啦! 但換緊衫嘅時候發覺窗出面好似第二次世界大戰咁, 真係好鬼得人驚. 跟住入廚房斟水飲, 嘩! 死囉! 發覺原來個抽氣扇漏緊水呀!! 離哂大譜呀! 豈有此理呀!! 又要抺地啦!

1608966-leakage.mp4

Boney M

silygwala — Sun, 21 Sep 2008 16:00:39 +0800

最近有一套以一隊70年代的樂隊ABBA為題的電影上演, 據聞反應不俗.其實在那個年代末還有一隊樂隊都是紅透半邊天,她們就是Boney M.

(閱讀全文)

Are you still proud to be a Chinese?

silygwala — Sat, 20 Sep 2008 18:47:52 +0800

唔知點解有啲祖國嘅同胞硬係要做埋哂啲損人利己嘅嘢! 好似今次嘅毒奶粉事件咁,真係好鬼死陰公囉! 嗰啲全部都係冇自我保護能力嘅BB仔,大人俾咩佢哋食,佢哋就食咩嘢.但最慘係連啲大人都唔知自己俾咗啲咁毒嘅嘢俾啲細路食! 仲要分分鐘連自己都出埋事添! 總之每次一提起"Made in China"呢三個字就好鬼避忌啦! 依家中國個名已經臭哂,再咁落去,中國就真係冇運行喇! 希望我哋啲同胞生生性性,唔好再有話柄俾人講啦! 如果唔係,我哋又要去番俾人睇唔起嘅年代,咁到時如果你俾人問"Are you still proud to be a Chinese?!"嗰陣,你又可以點答人哋呢?!

哈哈哈...真係有啲似男版林亞珍!

silygwala — Sat, 20 Sep 2008 17:32:00 +0800

一直以來我都覺得台灣有趣的藝人特別多，前幾天無意中收聽了一個電台節目，訪問的正是來自台灣的唱作人盧廣仲。我對這個人可以說是完全陌生的，亦因在訪問裏的盧先生，是一個非常文靜的人，所以無什麼特別，但看完他的MTV後，卻有種不可言語的感覺。

(閱讀全文)

美國都搞成咁，點算呢!

silygwala — Mon, 15 Sep 2008 23:01:05 +0800

美國嘅次按問題都出得七七八八，但佢引發嘅連鎖反應依家先至泡出嚟! DOW JONES 今日就暴跌咗成幾百點，因為有一間响美國成一百五十八年歷史嘅LEHMAN BROTHERS都要申請破產保護令! 唔止咁，依家據聞仲有美林,AIG，聽落真係好得人驚。雖然自從次按危機爆發後大家都已經有哂心理準備，但始終佢嘅影響實在太大嘞，點會唔驚吖! 其實香港嘅經濟已經開始走走哋樣，咁搞法，唉! 睇怕又要嚟多次三年零八個月嘞!

朋友，頂住呀!

別...愛得太遲

silygwala — Sun, 14 Sep 2008 22:24:29 +0800

人大了，回望過去的日子，總覺得自己做得不好，又或是付出的不夠多，尤其是給予親人的時間，遠比放在工作上的少。很多事情來不及做便再無機會，若時光可以倒流，我寧願多些倍伴爸爸...

(閱讀全文)