一見到"泰昌"個招牌, 咩嘢都唔諗, 浄係諗住"蛋tart"兩個字!  嘩! 真係唔係講笑, 我比較失禮, 佢哋嘅蛋tart俾肥彭(前任港督Chris Patten)食到人氣急升都冇幫襯過, 今次機緣巧合下路過, 就梗係要買番多少試吓啦! 媽媽話買半打喎, 所以就買咗半打番屋企食嘞!

番到屋企換完衫就舒舒服服坐低食蛋tart...一打開個餅盒就聞到香噴噴嘅味, 啲tart仲係熱ga! 即刻忍唔住攞件嚟食! 真係好好食! 啲蛋漿好濃, 好足料, 同平時响公司食嗰啲"散水餅"有一段距離! 通常嗰啲餅中間啲蛋漿都比較稀, 所以冇蛋味, 得個甜字, 而且個pastry亦做得唔好, 食落一啲都唔夠香口. 嘩~~食完呢件蛋tart真係好滿足, 不過唔打算食第二件, 因為根據"deminishing return"嘅理論, 相信第二件會冇第一件咁好味... 我要留住嗰一刻嘅回味無窮! 有時呢啲平民食品都可以令人好開心同滿足ga!